Наил Мәһдиев Россия матбугаты көне белән котлады

Тантаналар сараенда Яр Чаллы шәһәренең медиаөлкәсендә эшләгән вәкилләрен бүләкләү тантанасы узды. Чаллы хакиме Наил Мәһдиев Россия матбугаты көне белән котлады.

Татарстан Республикасы массакүләм мәгълүмат чаралары тармагында күпьеллык нәтиҗәле хезмәтләре өчен «ТАТМЕДИА» республика матбугат һәм массакүләм коммуникацияләр агентлыгы грамотасы белән бүләкләнде: компьютер версткасы операторы һәм «Челнинские известия» редакциясе офис-менеджеры Ольга Елистратова, «Челнинские известия» газетасының баш мөхәррир урынбасары Валентина Шистерова.

Намуслы хезмәтләре, шәһәр халкын мәгълүмат белән тәэмин итүгә өлеш кертүләре өчен һәм Россия матбугаты көнен бәйрәм итү уңаеннан шәһәр Хакименең Рәхмәте белән бүләкләнде: "ТАТМЕДИА" җәмгыяте филиалы "Чаллы ТВ" телерадиокомпаниясе"нең тавыш режиссеры Алмаз Букин, Татарстан Республикасы Журналистлар берлегенең Яр Чаллы бүлеге әгъзасы Илисә Ганиева, "Фортуна-ТВ"ның 1 категорияле корреспонденты Лилия Денисова, "Челнинские известия" газетасы редакциясе" корреспонденты Юлия Зәйнуллина, Комсомол районы хакимияте территориядәге оешмалар белән үзара эшчәнлек бүлегенең әйдәүче белгече Айгөл Солтанова, "Далини" сәүдә йорты җаваплылыгы чикләнгән җәмгыятенең пресс-секретаре Лилия Павлова.

Намуслы хезмәтләре, һөнәри эшчәнлегендәге казанышлары өчен Башкарма комитет җитәкчесенең Рәхмәте белән бүләкләнде: «Чаллы-биз» креатив директоры Кирилл Бәхтин, «Чаллы-ТВ» телерадиокомпаниясе хәбәрчесе Яна Вальдю, «Шәһри Чаллы» ның җаваплы мөхәррире Гүзәл Габдуллина, Р.С. Акчурин исемендәге Ашыгыч медицина ярдәме хастаханәсе пресс-секретаре Анастасия Дмитриева, «Беренчеләрнең хәрәкәте» белгече Ирина Циденкова.

Барлыгы 13 кеше дәрәҗәле бүләк алды.