Яр Чаллыда "Ел укытучысы -2020" конкурсы финалистлары игълан ителде

«Яр Чаллы шәһәренең Ел укытучысы -2020» һөнәри осталык конкурсы - автокалада инде 20 нче тапкыр үткәрелә торган традицион чарага әйләнде. Елдан-ел конкурс хәрәкәте яңа исемнәр ача, укытучы һөнәренең үзгә якларын күрсәтә, фикердәш педагогларны берләштерә.  Беренче тур-мәктәп туры шәһәрнең барлык белем бирү оешмаларында үткәрелде. Икенче тур ике этаптан торды: сайлап алу туры, анда 66 белем бирү оешмасыннан 132 претендент катнашты. Конкурсның турыдан-туры этабына 41 конкурсант чыкты, шуннан соң 10 педагог төрле номинацияләрдә җиңүләргә иреште.

13 конкурсант ярымфинал һәм беренче ике финал сынавы нәтиҗәләре буенча "Ел укытучысы-2020" шәһәр һөнәри осталык конкурсында җиңүче булды. Алар – шәһәрнең 60,45,56,30,35,20,42, 53 мәктәбе  һәм 2, 26, 61 нче гимназия педагоглары.

30 нчы урта гомуми белем бирү мәктәбе базасында финал узды, анда финалга чыккан 13 кешедән торган компетентлы жюрига география укытучысы, ветеран укытучы, табигый-математик цикл укытучысы, гуманитар цикл укытучысы категорияләрендә абсолют җиңүчеләрне сайларга кирәк иде. Финалда конкурсантлар мәгариф трендлары буенча "Халык алдында лекция" тәкъдим иттеләр, «Педагогик Экспресс»та катнаштылар

Укытучы-ветеран категориясендә 26 нчы гимназиянең инглиз теле укытучысы Евгения Роденко; География укытучысы категориясендә 35 нче мәктәпнең география укытучысы Рамил Әхмәтҗанов;  Табигый-математик циклы укытучысы категориясендә 56 нчы мәктәпнең математика һәм информатика укытучысы Рөстәм Хәлилов; Гуманитар цикл укытучысы категориясендә 45 нче мәктәпнең тарих һәм җәмгыять белеме укытучысы Рөстәм Кәлимуллин абсолют җиңүчеләр булдылар. 

 5-6 февральдә "Ел укытучысы - 2020" Республика конкурсының зона этабы узачак, анда ун укытучы шәһәребезнең данын  яклаячак.