Олимпия чемпионнары Чаллыда чаңгы ярышларында катнашачак

Яр Чаллы шәһәренең Яр буе паркында 8 февральдә "Татарстан чаңгы юлы – 2020" ярышлары узачак.  Спорт ярышының мәртәбәле кунаклары арасында дүрт тапкыр олимпия чемпионы, сигез тапкыр СССР чемпионы Николай Зимятов һәм өч тапкыр олимпия чемпионы, Дөнья чемпионы, Дөнья кубогы иясе Александр Завьялов бар. Спортчылар СССРның Атказанган спорт мастерлары һәм Россиянең Атказанган тренерлары.

"Татарстан чаңгы юллары-2020" быелгы өч юбилей датасына –ТАССР төзелүгә 100 ел тулуга, Бөек Ватан сугышында Җиңүнең 75 еллыгына һәм Чаллыга шәһәр статусы бирелүнең 90 еллыгына багышлана. Ярышлар «Спорт – тормыш нормасы» федераль проекты кысаларында үтә.