12 апрельдә Авиация һәм космонавтика көне – кешенең беренче тапкыр космоска очуына багышланган истәлекле дата билгеләп үтелә. Бу көнне «КАМАЗ» мәдәният сарае «Сез беләсезме: ул нинди егет булган!» дип аталган әдәби-музыкаль композиция карарга чакыра.
"КАМАЗ" мәдәният сарае артистлары Юрий Гагарин һәм аның көрәштәшләренең тормышы һәм батырлыгы, ул еллардагы вакыйгалар, бәйрәмнең тарихы турында сөйләячәкләр. Сәхнәдән танылган җырлар, шигырьләр һәм беренче космонавт замандашларының истәлекләреннән өзекләр яңгыраячак. Тематик фотографияләр һәм видеоматериаллар тамашачыларга "Космосны буйсындыручы" легендар шәхес белән якыннанрак танышырга ярдәм итәчәк.
Керү ирекле.
При использовании информации просьба ссылаться на Управление информационной политики и по связям с общественностью.
Чәршәмбе, 10 апрель 2019, 10:20