Экспертлар «Ел студенты-2018» шәһәр конкурсында катнашучыларның портфолиосын бәяләделәр. Быел барлыгы 50 гариза алынды. Традиция буенча аларның иң күп өлеше «Елның иҗади шәхесе», «Елның җәмәгатьчесе» һәм «Ел спортчысы» номинацияләре буенча алынды. Барлыгы 14 номинация каралган.
Экспертлар тиздән республика конкурсына барачак портфолиоларны билгеләнгән инде. Моннан тыш, узган елдагы кебек үк, анда катнашучыларга тагын бер этап – «үзләрен иҗади тәкъдим итү» узарга туры киләчәк. Ул 13 һәм 14 ноябрьдә «Нур» яшьләр үзәгендә оештырыла. Бу үзләрен һәм проектларын экспертлар алдында якларга һәм республика конкурсларына әзерләнергә өстәмә мөмкинлек.
Конкурс финалистларының исемнәрен 2018 елның 31 декабренә кадәр игълан итәчәкләр, ә җиңүчеләрнең исемнәрен традиция буенча 2019 елның гыйнварында студентларның төп бәйрәме - Бөтенроссия студентлар көне алдыннан хәбәр итәчәкләр. Конкурсның төп «Гран при» номинациясендә өченче ел рәттән җиңүчегә төп бүләк– Россия Дәүләт Думасы депутаты Әлфия Когогина исемендәге стипендия биреләчәк.
При использовании информации просьба ссылаться на Управление информационной политики и по связям с общественностью.
Сишәмбе, 13 ноябрь 2018, 11:30