Чаллыда дүртенче тапкыр Татарстан Республикасының фин-угор халыклары иҗат фестивале узды. Анда Татарстаннан җыр һәм бию мәдәниятен, мордва, мари һәм удмурт халыкларының традицион йолаларын һәм гореф-гадәтләрен тәкъдим итүче фольклор коллективлар җыелды. Җиңү паркында чаллылылар халык иҗат коллективлары чыгышларын карады, әлеге халыкларының гореф-гадәтләре белән танышты, уникаль рецептлар буенча әзерләнгән пилмән, пәрәпәч, коймаклардан авыз итә алды. Алдагы мәйданнарда һөнәрчеләр мастер-класслар үткәрде, фестивальдә этник колорит белән сувенир продукция сатылды.
Шуны да билгеләп үтәргә кирәк, фестиваль 2016 елдан «2014-2020 елларга Татарстан Республикасында дәүләт милли сәясәтен гамәлгә ашыру» дәүләт программасына кертелде. Чараны шәһәр Башкарма комитетының мәдәният идарәсе һәм «Чишмә» Халыклар дуслыгы йорты оештырды.
При использовании информации просьба ссылаться на Управление информационной политики и по связям с общественностью.
Дүшәмбе, 24 сентябрь 2018, 08:29